, страница 29, часть 1 - гдз по Літаратурнаму чытанню 2 класс учебник Жуковіч

1. Якія пачуцці ўзніклі ў вас пры чытанні гэтага твора?

2. Ці спадабаўся вам Верасень? Чаму?

3. Ці можна параўнаць Верасня з чалавекам? Чаму? А з Дзедам Марозам?

4. Знайдзіце ў творы і прачытайце вобразныя словы-дзеянні, якімі надзелены Верасень (ходзіць па зямлі, дорыць ёй багацці, атрос ігрушы, на лузе склаў у копы траву і падаўся ў лес, прыбірае дрэвы, пасадзіў грыбочкі).

5. Па чым бачна, што пісьменніцы падабаецца Верасень?

Уважліва разгледзьце на форзацы рэпрадукцыі карцін «Восеньскі сад» Алены Бархатковай, «Восеньскія бярозкі» Віктара Каралёва. Падбярыце тыя радкі з казкі Клаўдзіі Каліны «Верасень», якія могуць стаць назвамі да твораў мастакоў.

Прыказкі

Садок пасадзіў — добрую справу зрабіў.

Трэба нахіліцца, каб вады напіцца.

Будзеш працаваць — будуць людзі паважаць.

Ч. 1, стар. 29 Пытанні пасля твора

1. Якія пачуцці ўзніклі ў вас пры чытанні гэтага твора?

Пры чытанні твора ў мяне ўзніклі добрыя пачуцці: захапленне прыгажосцю асенніх убораў, якія апранулі дрэвы; радасць ад таго, што добры ўраджай яблык, бульбы, грыбоў.

2. Ці спадабаўся вам Верасень? Чаму?

Так, мне вельмі спадабаўся Верасень. Ён, як сапраўдны чараўнік дорыць зямлі свае багацці: добры ўраджай, прыгожыя ўборы для дрэў.

3. Ці можна параўнаць Верасня з чалавекам? Чаму? А з Дзедам Марозам?

У сваім творы аўтар піша пра Верасень, як пра жывую істоту: ён ходзіць, дорыць, прыбірае, пасадзіў грыбочкі. Таму я лічу, што яго можна параўнаць з чалавекам.

Верасень, як Дзед Мароз, ідзе і дорыць усім свае багацці: прыбірае дрэвы ў дарагія ўборы, пасадзіў грыбочкі пад кусточкі, “азірнуўся Верасень, раглядзеў навокал: гарыць-палае асенні лес". Таму я лічу, што Верасень можна параўнаць з Дзедам Марозам. Ён, як сапраўдны чараўнік.

4. Знайдзіце ў творы і прачытайце вобразныя словы-дзеянні, якімі надзелены Верасень (ходзіць па зямлі, дорыць ей багацці, атрос ігрушы, на лузе склаў у копы траву і падаўся ў лес, прыбірае дрэвы, пасадзіў грыбочкі).

Вобразныя словы-дзеянні:

ходзіць ён па зямлі, дорыць ёй багацці, зайшоў Верасень, атрос ігрушы, асыпаў антонаўкі, выйшаў у поле, на лузе склаў у копы траву і падаўся ў лес, прыбірае дрэвы ў дарагія ўборы, прыхарашыў рабіну і каліну пацеркамі, пасадзіў грыбочкі, азірнуўся, паглядзеў навокал, падараваў зямлі шаты, расквеціў верасы, насыпаў засекі збожжа.

5. Па чым бачна, што пісьменніцы падабаецца Верасень?

Пісьменніца піша, што “месяц Верасень багаты — у яго залатыя шаты”. Аўтар піша пра Верасень, як пра жывую істоту.

Работа ў пары, групе

Уважліва разгледзьце на форзацы рэпрадукцыі карцін "Восеньскі сад" Алены Бархатковай, "Восеньскія бярозкі" Віктара Каралёва. Падбярыце тыя радкі з казкі Клаўдзіі Каліны "Верасень", якія могуць стаць назвамі да твораў мастакоў.

Да рэпрадукцыі карціны "Восеньскі сад" Алены Бархатковай падыходзяць радкі:

"Зайшоў Верасень у сады цяністыя, атрос ігрушы залацістыя. Асыпаў з яблынь духмяныя антонаўкі, чырвоныя крамяныя малінаўкі, захінуў туманамі слівы сінія..."

Да рэпрадукцыі карціны "Восеньскія бярозкі" Віктара Каралёва падыходзяць радкі:

"Ідзе Верасень лесам, прыбірае дрэвы ў дарагія ўборы: бярэзінку — у золата, асіну — у чырвань, на дубы навесіў медны ўбор".

Ч. 1, стар. 29

Прыказкі

Садок пасадзіў — добрую справу зрабіў.

(Калі чалавек пасадзіў дрэва — гэта добры ўчынак. Пасадзіў сад — добрая справа. Людзі будуць паважаць такога чалавека, будуць удзячны яму за гэта. Дрэвы ачышчаюць паветра і даюць нам патрэбны кісларод.)

Трэба нахіліцца, каб вады напіцца.

(Каб чаго-небудзь дасягнуць, нешта атрымаць, трэба працаваць старанна, а не быць гультаём.)

Будзеш працаваць — будуць людзі паважаць.

(Людзі паважаюць працавітых людзей, а не гультаёў.)