номер 111, страница 111, часть 2 - гдз по Літаратурнаму чытанню 4 класс учебник Жуковіч, Праскаловіч

але іх ты не адчуваеш. Падымаеш руку, а ніякай сілы на гэта не трэба. Ледзь паварушыўся ў крэсле — і ты «плаваеш» па кабіне. Хадзіць ці бегаць у космасе немагчыма: ногі адрываюцца ад «падлогі».

Спаць можна толькі ў спальным мяшку, які прывязаны да борта карабля. Ды трэба і самога сябе прывязваць да мяшка. Бо спрасонку можна выплыць і прачнуцца далёка ад свайго спальнага месца.

З'есці што-небудзь у космасе ці папіць вады — таксама работа. Боршч альбо суп знаходзяцца ў алюмініевых тубах, якія падобныя да цюбікаў ад зубной пасты. Адкручваеш каўпачок, праколваеш кончыкам нажа дзірку. Пасля злёгку націскай на тубу і смакчы.

Хлеб упакаваны ў пакеты. Буханачка — малюсенькая, з палову запалкавага карабка, каб яе можна было зараз укінуць у рот.

Адным словам, жыць у космасе складана, а працаваць вельмі адказна.

1. Што цікавага паведаміў вам аўтар-касманаўт у гэтым апавяданні?

2. У чым заключаецца складанасць прафесіі касманаўта? Аргументуйце фактамі з тэксту.

3. Якім бачыцца Сусвет з касмічнага карабля? Прачытайце адпаведныя радкі з твора.

4. Што з жыцця касманаўта на касмічным караблі вас найбольш уразіла?

5. Як вы лічыце, з якой мэтай Пётр Клімук расказаў чытачам пра сваю прафесію і космас?

Ч. 2, стар. 111 Пытанні пасля твора

3. Якім бачыцца Сусвет з касмічнага карабля? Прачытайце адпаведныя радкі з твора.

Зачытаць:

Неба ў космасе, наадварот, не блакітнае, а чорнае. Зоркі на ім ярка-белыя, буйныя. Здаецца, вісяць яны так нізка над галавой, што можна дакрануцца да іх рукамі.

Сонца таксама выглядае не так, як з Зямлі. Яно нязвычна вялізнае, вельмі зыркае, ажно белае. У час захаду сонца робіцца чырвоным, яно сплюшчваецца ў палоску. І ўзыходзіць вельмі прыгожа. У тым месцы, дзе яно павінна выкаціцца з-за гарызонту, успыхвае колерны акаём, які пераліваецца, як вясёлка.

4. Што з жыцця касманаўта на касмічным караблі вас найбольш уразіла?

Больш за ўсё мяне ўразіла тое, што Зямля з космасу выглядае не такой ужо і вялікай. Ежу ў космас патрэбна спецыяльна ўпакоўваць маленькімі порцыямі, каб можна было за адзін раз з'есці.

5. Як вы лічыце, з якой мэтай, Пётр Клімук расказаў чытачам пра сваю прафесію і космас?

Пётр Клімук расказаў чытачам пра сваю прафесію і космас для таго, каб мы хоць на трошкі апынуліся ў іншай прасторы. Таму што зусім не кожны чалавек можа быць касманаўтам і пабачыць прыгажосць космасу. Таксама аўтар можа паспрыяць выбару прафесіі для каго-небудзь дзякуючы свайму апавяданню.