Номер 114, страница 58 - гдз по белорусскому языку 6 класс учебник Валочка, Зелянко

114. Спішыце сказы, устаўляючы ў словы прапушчаныя літары. Растлумачце напісанне арфаграм.

1. Жыта ўз..дзе, зазімуе, а на лета закрасуе* (В. Лукша). 2. Уклад дзядоў ніхто не пера..начыць (Д. Бічэль). 3. Цімка^с ці ад хвалявання, ці ад холаду пачаў за..кацца (В. Праўдзін).

4. У памяшканні, дзе знаходзіцца хворы, праводзіцца дэз..нфекцыя (Паводле газеты «Звязда»).

Растлумачце пастаноўку знакаў прыпынку ў першым сказе.

Гавары і пішы правільна

Каранёвая літара і ў словах з прыстаўкай на галосны служыць для абазначэння на пісьме двух гукаў — [й] і [і]. Вымаўляем: за[йі]кацца, за[йі]скрыцца, аб[йі]нець. Пішам: заікацца, заіскрыцца, абінець.

У словах з прыстаўкай на зычны каранёвая літара і выкарыстоўваецца для абазначэння гука [ы]. Вымаўляем: між[ы]нстытуцкі, звыш[ы]дэйны, контр[ы]гра. Пішам: міжінстытуцкі, звышідэйны, контрыгра.

114. 1. Жыта ўзыдзе, зазімуе, а на лета закрасуе* (В. Лукша).

2. Уклад дзядоў ніхто не пераіначыць (Д. Бічэль).

3. Цімка ці ад хвалявання, ці ад холаду пачаў заікацца (В. Праўдзін).

4. У памяшканні, дзе знаходзіцца хворы, праводзіцца дэзінфекцыя (Паводле газеты «Звязда»).

У слове ўзыдзе пасля прыстаўкі уз-, якая заканчваецца на зычны, каранёвае і пераходзіць у ы. У словах пераіначыць і заікацца пасля прыставак, якія заканчваюцца на галосны, і на пачатку кораня захоўваецца. У слове дэзінфекцыя пасля прыстаўкі іншамоўнага паходжання дэз- пачатковае і ў корані захоўваецца.

У першым сказе коскі ставяцца паміж аднароднымі выказнікамі. Першая коска раздзяляе выказнікі ўзыдзе і зазімуе, якія звязаны беззлучнікавай сувяззю. Другая коска ставіцца перад супраціўным злучнікам а, які злучае аднародныя выказнікі.