Номер 227, страница 117 - гдз по белорусскому языку 6 класс учебник Валочка, Зелянко

227. Прачытайце тэкст. Растлумачце, чаму ён мае такую назву.

Юны псіхолаг

Аднойчы суседка папрасіла, каб Жэня пабыў з яе чатырохгадовым сынам Толікам. Дзіця не хацела адпускаць маці, плакала. Валянціна Пятроўна пачала суцяшаць яго, але хлопчык не супакойваўся, а плакаў яшчэ мацней. Тады Жэня сказаў дзіцяці:

— Плач, Толік, плач! Мне нават падабаецца, як ты плачаш.

Спачатку хлопчык нібыта не чуў такой дзіўнай просьбы і працягваў плакаць. Потым на момант сцішыўся, а Жэня сур’ёзна і спакойна працягваў гаварыць дзіцяці:

— Калі ласка, Толічак! У цябе гэта добра атрымліваецца. Ты зараз паплач — я паслухаю.

Толік выцер слёзы, усміхнуўся Жэню і супакоіўся. Яны з дзіцем так захапіліся гульнёй, што не заўважылі, як вярнулася Валянціна Пятроўна. Шчыра падзякавала мама за клопат пра дзіця (Паводле М. Слівы).

Вызначце скланенне выдзеленых назоўнікаў. Якія словы нельга аднесці ні да аднаго з трох скланенняў? Чаму?

Выпішыце з тэксту ўсе склонавыя формы назоўніка дзіця. Пастаўце да іх пытанні, вызначце склон. У якіх склонавых формах гэтага назоўніка ёсць суфікс -яц-? Абазначце суфіксы і канчаткі.

Які канчатак меў бы ўласны назоўнік Жэня ў форме давальнага склону, калі б ён абазначаў імя дзяўчынкі?

227. Тэкст мае назву «Юны псіхолаг», таму што хлопчык Жэня павёў сябе як дасведчаны псіхолаг: ён знайшоў незвычайны, але дзейсны спосаб, каб супакоіць маленькага Толіка.

Выдзеленыя назоўнікі сынам, Толікам адносяцца да 2-га скланення.

Слова дзіця нельга аднесці ні да аднаго з трох скланенняў, таму што гэта рознаскланяльны назоўнік.

У форме давальнага склону дзіцяці ёсць суфікс -яц-. Корань -дзіц-, суфікс -яц-, канчатак -і.

Калі б назоўнік Жэня абазначаў імя дзяўчынкі (1-е скланенне), то ў давальным склоне ён меў бы канчатак -і: (каму?) Жэні.