Номер 333, страница 168 - гдз по белорусскому языку 6 класс учебник Валочка, Зелянко

333. Прачытайце тэкст. Растлумачце сэнс загалоўка.

Пазнаёміліся

У кожнага быў свой занятак. Жанчына з маленькім сынам акучвала бульбу. А шпачыха збірала побач чарвякоў і насіла іх пісклявым птушанятам.

Раптам адно шпачанё рванулася насустрач маці і выпала са шпакоўні. Неслух распластаў крылы і бездапаможна павіс на кусце бульбяніку.

— Ах ты, гора маё! — разагнула спіну жанчына.

Яна адшукала драбіны*, прыставіла іх да яблыні, сунула за пазуху птушанё і палезла да шпакоўні. Шпачыха ў гэты час сядзела з чарвяком у дзюбе на доміку. Выцягнула шыю і лапкамі ад нецярпення перабірае. Нарэшце жанчына пасадзіла жаўтароціка ў шпакоўню.

Шпачыха скокнула ў домік. Сунула неслуху чарвяка, ушчыкнула і прыкрыла крылом. Паназірала жанчына за шпачыхай, уздыхнула і даверліва, нібы з суседкай, падзялілася мацярынскай думкай:

— Усе яны, падшыванцы*, аднолькавыя!

А сынок стаіць унізе, назірае і шчасліва ўсміхаецца. Ён вельмі рады, што маці ўратавала шпачынага «падшыванца» (Паводле П. Саковіча).

Пазнаёмцеся са складаным планам тэксту.

План

1. У кожнага свой занятак.

2. Шпачанё ў небяспецы.

3. Выратаванне неслуха.

а) Добры ўчынак жанчыны.

б) Хваляванне шпачыхі.

4. Даверлівая размова.

5. Радасць сына.

Прачытайце часткі тэксту, якія адпавядаюць кожнаму пункту плана. Якія словы выкарыстоўвае аўтар, каб пазбегнуць паўтарэння назоўніка шпачанё?

З дапамогай тлумачальнага слоўніка растлумачце значэнне слова падшыванец. У якіх стылях маўлення яно можа ўжывацца? Якое значэнне набывае гэта слова ў тэксце?

Вусна перакажыце тэкст па плане, дапоўніўшы яго апісаннем шпачаняці. Выкарыстайце прыметнікі з суфіксамі ацэнкі.

Для даведкі: шэрае пер'е, светлая грудка, кароткія крылцы і хвосцік, вялікая жоўтая дзюба.

333. Прачытайце тэкст. Растлумачце сэнс загалоўка.

Пазнаёміліся

У кожнага быў свой занятак. Жанчына з маленькім сынам акучвала бульбу. А шпачыха збірала побач чарвякоў і насіла іх пісклявым птушанятам.

Раптам адно шпачанё рванулася насустрач маці і выпала са шпакоўні. Неслух распластаў крылы і бездапаможна павіс на кусце бульбяніку.

— Ах ты, гора маё! — разагнула спіну жанчына.

Яна адшукала драбіны*, прыставіла іх да яблыні, сунула за пазуху птушанё і палезла да шпакоўні. Шпачыха ў гэты час сядзела з чарвяком у дзюбе на доміку. Выцягнула шыю і лапкамі ад нецярпення перабірае. Нарэшце жанчына пасадзіла жаўтароціка ў шпакоўню.

Шпачыха скокнула ў домік. Сунула неслуху чарвяка, ушчыкнула і прыкрыла крылом. Паназірала жанчына за шпачыхай, уздыхнула і даверліва, нібы з суседкай, падзялілася мацярынскай думкай:

— Усе яны, падшыванцы*, аднолькавыя!

А сынок стаіць унізе, назірае і шчасліва ўсміхаецца. Ён вельмі рады, што маці ўратавала шпачынага «падшыванца» (Паводле П. Саковіча).

Пазнаёмцеся са складаным планам тэксту.

План

1. У кожнага свой занятак.

2. Шпачанё ў небяспецы.

3. Выратаванне неслуха.

а) Добры ўчынак жанчыны.

б) Хваляванне шпачыхі.

4. Даверлівая размова.

5. Радасць сына.

Прачытайце часткі тэксту, якія адпавядаюць кожнаму пункту плана. Якія словы выкарыстоўвае аўтар, каб пазбегнуць паўтарэння назоўніка шпачанё?

З дапамогай тлумачальнага слоўніка растлумачце значэнне слова падшыванец. У якіх стылях маўлення яно можа ўжывацца? Якое значэнне набывае гэта слова ў тэксце?

Вусна перакажыце тэкст па плане, дапоўніўшы яго апісаннем шпачаняці. Выкарыстайце прыметнікі з суфіксамі ацэнкі.

Для даведкі: шэрае пер'е, светлая грудка, кароткія крыльцы і хвосцік, вялікая жоўтая дзюба.