Номер 2, страница 141 - гдз по белорусской литературе 7 класс учебник Лазарук, Логінава

2. Перакажыце эпізод наведвання Данікам хворай настаўніцы. Патлумачце словы пані Мар'і: «Я разумею цябе — ты любіш толькі бедных. І я, Данік, не з багатай сям'і. Вы тут усе не любіце паноў. А я — таксама палячка. І гэта, хлопчык, не адно і тое ж. І ў нас, у Польшчы, усякія людзі ёсць. Ты зразумееш мяне, калі падрасцеш». Паразважайце, ці можна ўсіх людзей ацэньваць аднолькава толькі з-за прыналежнасці да пэўнага народа.

Старонка 141, пытанне 2

Калі Данік першым увайшоў у пакой да пані Мар'і, яго напаўняла пачуццё трывогі, страху, няёмкасці... Данік саромеўся падысці бліжэй да настаўніцы. Але яна паклікала Даніка да сябе, прапанаваўшы яму ўзяць крэсла і сесці побач.

І пачалася іх размова. Пані Мар'я пытала ў Даніка, за што ён атрымаў двойку ў панны Рузі. На што хлопчык адказаў: Данік: “Не два, тры з мінусам!" Настаўніца адказала, што гэта тое ж самае.

Пасля іх размова крыху павесялела, Данік стаў менш хвалявацца. Яны абмяркоўвалі ўсе эпізоды, што здараліся на ўроках. І пра ягоны Дзень нараджэння ўспомнілі, пра другі, лістападаўскі. Пані Мар'я добра разумела Даніка, спачувала яму, шкадавала яго. І ён адчуваў гэтую цеплыню. А пасля настаўніца падарыла хлопчыку кнігу са сваім аўтографам. Данік быў вельмі задаволены і ўдзячны пані Мар'і за гэты падарунак. У іх была размова і вельмі далікатная.... Пра Даніка погляды...

Пані Мар'я: “Я разумею цябе – ты любіш толькі бедных. І я, Данік, не з багатай сям'і. Вы ўсе тут не любіце паноў. А я – таксама палячка. І гэта, хлопчык, не адно і тое ж. І ў нас, у Польшчы, усякія людзі ёсць. Ты зразумееш мяне, калі падрасцеш.

Гэтыя словы паказваюць блізкасць душ нашых герояў, іх роднасць і адзіныя погляды. Але жыццё — складаная рэч. І так бывае, што людзі не могуць ісці поруч, іх раз'ядноўвае лёс, каб ісці кожнаму сваёй дарогай. Вельмі сумна, што яны пасля не сустрэнуцца, толькі на мінуту, у класе, але можна жыць спадзяваннем, што некалі гэта здарыцца.

А словы настаўніцы вучаць не толькі Даніка, але і ўсіх нас, вучаць любіць людзей незалежна ад іх прыналежнасці да народа, да расы, да рэлігіі. Пані Мар'я – вельмі мудры, выхаваны, шчыры, разумны чалавечак. Яна нясе святло. І Данік гэта знае, адчувае, чэрпае з яе самае светлае і шчырае.