Номер 4, страница 171 - гдз по белорусской литературе 7 класс учебник Лазарук, Логінава

4. У апавяданні аўтар звярнуўся да розных спосабаў паказу жыцця і характарыстыкі герояў — аповеду, апісання, дыялогу. Прывядзіце прыклады на кожны з іх і раскрыйце іх ролю ў творы.

Старонка 171, пытанне 4

Аповед

...І вось заходжу ў клас. Як заўсёды, за якую хвіліну перад пачаткам урока. У класе цішыня, мільгаюць старонкі падручнікаў. Усе чакаюць настаўніка. За вокнамі светлая, ясная раніца...

Пачынаецца твор аповедам пра прыход новай дзяўчынкі ў клас. Аўтар праз размову (дыялог) аднакласнікаў раскрывае інфармацыю пра навічка. У першым раздзеле злучаюцца ўсе тры спосабы паказу жыцця і характарыстыкі герояў: і аповед (пра тое, як сябры даведваюцца пра навіну), і апісанне герояў (апісанне Эмы), і дыялог (паміж аднакласнікамі).

Апісанне пісьменнік выкарыстоўвае пры адлюстраванні пэўнай з'явы.

Адусюль ужо відаць рэчка і вялікае балонне, усё залітае вадою. Пад узгоркам стаіць немалы натоўп мужчын і кабет, а перад імі, па чыстым лёдзе, катаецца на каньках чалавек. Апрануты ў вязаны цёмна-сіні фізкультурны касцюм, на галаве ў яго шарсцяны берэт. Ды як катаецца! Такога ж яшчэ і не бачыў. Па крузе. То перадам імчыцца, то спінай, то раптам як пачне кружыцца, што толькі берэт мільгае, а тады разгоніцца і імчыць на адной назе.

Дыялог у кожным раздзеле паведамляе нам тыя ці іншыя навіны.

Яна: Антон, з усмешкай, калі гэта ты навучыўся катацца на каньках?

Я: А вось і навучыўся — не без гонару. Не толькі ж табе адной катацца, Мэры Кэт. Дарэчы, Мэры Кэт — гэта гераіня з якога рамана? Нешта я ніяк не прыпомню.

Яна: Ні з якога. Я сама выдумала...

Дыялог надае твору жывасці, эмацыйнасці, канкрэтыкі, уносіць пэўныя дэталі ў вобраз.

Увогуле ўсе спосабы паказу жыцця і характарыстыкі герояў гарманічна суіснуюць, таму іх роля ў тэксце аднолькавая. Усе яны здольны надаць больш вобразнасці, канкрэтыкі, дакладнасці або лірычнасці. Тут ужо залежыць ад майстра слова. Мне вельмі спадабаўся твор Міколы Лупсякова, бо ён і пра дружбу, і пра першае каханне, і пра школу...