Номер 10, страница 24 - гдз по белорусской литературе 7 класс учебник Лазарук, Логінава

10. Параўнайце вобразы гусляра і князя ў паэме. Пачніце з апісання знешняга выгляду герояў, звярніце ўвагу на сацыяльнае становішча, ацаніце характары і паводзіны, погляды на жыццё, вызначце аўтарскія адносіны да герояў.

Старонка 23, пытанне 10

Параўнальная характарыстыка герояў

Князь паўстае перад намі магутным уладаром, які жыў у хораме, слаўны свету ўсяму...

Яго характар быў вядомы ўсім:

...Недаступны і грозны, як хорам;
Хто хацеў, не хацеў – біў паклоны яму,
Спуску, ласкі не знаў непакорам.
Зневажаў, катаваў ён з дружынай сваей;
Стражы князевы — ў полі і дома,
Толькі модлы раслі небу ў сэрцах людзей,
І пракляцце расло пакрыёма.

Князь любіў збіраць людзей, запрашаць розных гасцей у свой любімы хорам.

Устройваў розныя забавы для гасцей. Любіў вяселле і шум:

...І музыкі, і чаркі звінелі...

Князь быў сквапным да грошай, да багацця. І лічыў, што гэта самае галоўнае ў жыцці. Адплатай за ўсе ўчынкі лічыў грошы.

Станоўчых рыс характару, на мой погляд, у князя не было. Толькі жорсткасць, сквапнасць, бязлітаснасць, прага да ўлады, жаданне быць заўважаным, абыякавасць да людзей.

Супрацьпастаўляецца князю вобраз гусляра ў паэме.

Ён паўстае перад намі справядлівым, моцным, бясстрашным, валявым, непадкупным, духоўна багатым. Яму не трэба былі ні грошы, ні слава. Праўда - адзін з асноўных прынцыпаў гусляра.

У сваёй прамове гусляр выражае адносіны і да князя, і да ўсяго яго акружэння:

... Глянь у лёхі свае, ў падзямеллі глянь, князь,
Што настроіў пад хорамам гэтым;
Брацці корчацца там, табой кінуты ў гразь,
Чэрві точаць жывых іх, раздзетых.

Ты брыльянтамі ўсыпаў атласы і шоўк —
Гэта цёртая сталь ад кайданаў,
Гэта вісельні петляў развіты шнурок,
Гэта, княжа, твае саматканы.

Гусляр бясстрашна апісаў усе заганы князя, каб чуў іх увесь свет, усё акружэнне.

Што датычыцца адносінаў аўтара да сваіх герояў, то, канешне ж, яны відавочныя. Янка Купала асуджае жыццё і ўчынкі князя, апісвае яго адпаведным чынам, не шкадуючы слоў. А да гусляра паэт ставіцца станоўча. Ён захапляецца яго смеласцю, рашучасцю, непадкупнасцю. З павагай паэт ставіцца да гусляра ў момант падрыхтоўкі да грання:

Водзіць пальцам худым па сталёвых струнах,
К песні-музыцы ладзіцца, строе;
Водклік б'ецца ад струн па сцюдзёных сцянах,
Заміраючы ў сховах пакояў...

Гусляр - сапраўдны талент. Таму падрабязна апісвае паэт яго дзеянні :

Вось настроіў, навёў тон у струнах як след,
Не зірнуўшы на гулі ні разу,
І сядзіць гэты сумны, як лунь, белы дзед
І чакае ад князя прыказу.