Номер 2, страница 9 - гдз по белорусской литературе 7 класс учебник Лазарук, Логінава

2. Раскрыйце сэнс выказвання: «Літаратура — мастацтва слова». Пачніце з таго, што слова надзелена вялікай сілай уздзеяння на чалавека.

Старонка 9, пытанне 2

Літаратура – мастацтва слова... Слова надзелена вялікай сілай уздзеяння на чалавека. Слова нам дапамагае выказаць думку, звярнуцца да чалавека з просьбай, аддзячыць або проста размаўляць. Чалавек – істота грамадская, не можа без зносін, без выкарыстання мовы... Нам патрэбны зносіны, каб жыць, каб быць патрэбным, каб дарыць цяпло...

Сапраўды, слова можа пакрыўдзіць і суцешыць. Можа падарыць надзею або парушыць усе спадзяванні... Слова мае чарадзейную сілу. Яно, быццам доктар, лечыць нас ад адзіноты...

А ў літаратуры галоўным сродкам з'яўляецца слова. І не любое слова падыходзіць для стварэння літаратурнага твора... І не кожны чалавек можа стварыць, скласці, напісаць твор...

Літаратура – від мастацтва... У ёй усе падпарадкавана пэўным законам: законы вершаскладання, пабудова сказаў, стварэнне вобраза...

Літаратура – цікавы свет, свет думак, перажыванняў героя, яго мараў і памкненняў. Нават не кожны можа зразумець цалкам задуму аўтара, ідэю твора. А скласці шэдэўр – гэта задача для майстра, таленавітага і адоранага навыкамі творчага пісьма. Таму літаратура – гэта сапраўднае мастацтва, мастацтва выказвання думак і стварэння цудоўных вобразаў, якія здольны трапіць прама ў душу чытачоў.