Номер 6, страница 87 - гдз по белорусской литературе 9 класс учебник Праскаловіч, Рагойша

6. Паспрабуйце стварыць віртуальны музей, прысвечаны Ф. Багушэвічу.
Выкарыстайце звесткі пра пісьменніка, прадстаўленыя ў вучэбным дапаможніку і электронным рэсурсе.

6. Чалавек у простай вопратцы, доўгія сіваватыя вусы, падстрыжаная барада, глыбокі роздум сумных вачэй.

У пачатку 1884 года Францішак Багушэвіч вярнуўся ў Вільню. Нейкіх паўтара дзясятка гадоў адвёў яму лёс на адносна спакойную юрыдычную дзейнасць і напружаную літаратурную творчасць. Прычым праца адваката была навідавоку, яна хоць і клопатная, але давала пэўны прыбытак, прыносіла часам нават славу. Адвакат Ф. Багушэвіч абараняў у судзе ў асноўным «прыніжаных і абражаных» — найперш сялян.

Тое, што на працягу шэрага гадоў па-беларуску пісалася таемна, склала першую кнігу паэта — «Дудка беларуская», якую ён пад псеўданімам Мацей Бурачок здолеў выдаць у Кракаве (Аўстра-Венгрыя) у 1891 годзе. Яшчэ праз тры гады, у Познані (Прусія), выйшаў з друку другі паэтычны зборнік Багушэвіча — «Смык беларускі» пад псеўданімам Сымон Рэўка з-пад Барысава. У 1896 годзе «Дудка беларуская» была перавыдадзена. Тым самым Ф. Багушэвіч хацеў стварыць ілюзію наяўнасці беларускага літаратурнага руху, у якімбыў бы не адзін стваральнік нацыянальнай літаратуры, а хаця б некалькі. Пра гэта, у прыватнасці, сведчаць радкі прадмовы да «Смыка беларускага»: «Граю трошкі на скрыпачцы, ну дык няхай і мая ксёнжачка завецца струмантам якім; вот я і назваў яе "Смык". Смык ёсць, а хтось скрыпку, можа, даробе, а там была "Дудка" — воті мы зробім музыку...»

Кнігі Францішка Багушэвіча, што парушылі шматгадовае маўчанне беларускага нацыянальнага друку, сталі новым крокам не толькі ў беларускім прыгожым пісьменстве, але і ў станаўленні беларускай нацыянальнай ідэі, у духоўным адраджэнні беларускага народа. «Дудка беларуская» і «Смык беларускі» Ф. Багушэвіча рознымі шляхамі нелегальна траплялі да беларусаў. Яны перадаваліся з руку рукі, многія змешчаныя ў іх творы перапісваліся, завучваліся напамяць, фалькларызаваліся. Такім чынам, Францішак Багушэвіч аказаў уплыў на грамадскую думку, на далейшае развіццё беларускай літаратуры.

6. Віртуальны музей Францішка Багушэвіча

Зала 1. Жыццёвы шлях

Францішак Бенядзікт Казіміравіч Багушэвіч (1840—1900) — класік беларускай літаратуры, адзін з пачынальнікаў новай беларускай літаратуры, грамадскі дзеяч і публіцыст. Яго творчасць стала вяршыняй развіцця беларускай літаратуры XIX стагоддзя.

Зала 2. Творчая спадчына

Багушэвіч выступаў як ідэолаг беларускага нацыянальнага адраджэння. У сваіх творах ён абараняў права беларускага народа на ўласнае імя, мову і культуру.

Свае творы друкаваў пад псеўданімамі Мацей Бурачок і Сымон Рэўка з-пад Барысава.

Галоўныя творы — зборнікі паэзіі “Дудка беларуская” (1891) і “Смык беларускі” (1894). Прадмова да першага зборніка з’яўляецца маніфестам, у якім аўтар звярнуўся да народа са знакамітым заклікам: “Не пакідайце ж мовы нашай беларускай, каб не ўмёрлі!”.

Зала 3. Ушанаванне памяці

Спадчына Францішка Багушэвіча аказала велізарны ўплыў на наступныя пакаленні беларускіх пісьменнікаў. Яго імем названы вуліцы ў многіх гарадах Беларусі і плошча ў Мінску. У вёсцы Кушляны Смаргонскага раёна створаны Дзяржаўны літаратурна-мемарыяльны музей Ф. Багушэвіча. Помнікі паэту ўстаноўлены ў Смаргоні і Мінску.