Номер 1, страница 204 - гдз по белорусской литературе 9 класс учебник Праскаловіч, Рагойша

1. «Ва ўсякай біяграфіі прысутнічае эпоха... Створанне твора ёсць факт біяграфіі аўтара, біяграфія аўтара ёсць факт гісторыі, гісторыі літаратуры ў прыватнасці. Таму па сваёй сутнасці біяграфія пісьменніка — гэта перажыванне асабістага жыцця ў гісторыі» (Дзмітрый Ліхачоў). Дакажыце на прыкладзе жыцця і творчасці Івана Шамякіна, што біяграфія пісьменніка — паняцце не вузка асабістае, а грамадска-гістарычнае.

1. Нарадзіўся Іван Пятровіч Шамякін 30 студзеня 1921 года ў вёсцы Карма Добрушскага раёна Гомельскай вобласці. Маці яго была з багатай сялянскай сям'і, бацька — з беднай. Бацькаў 1920-я гады стаў лесніком. Сям'я часта пераязджала. Нейкі час Пятру Шамякіну давялося служыць у лесе каля вялікай вёскі Церуха Гомельскага раёна. Там у пятым класе Іван вучыўся з будучай сваёй жонкай — Машай Кротавай. Потым яны сустрэліся ўжо ў Гомелі, дзе ён быў студэнтам тэхнікума будаўнічых матэрыялаў, а яна вучылася ў медвучылішчы. У 1940 годзе Маша стала яго жонкай. Каханне да Марыі Іван Шамякін пранёс праз усё жыццё, увасобіў яе ў шматлікіх жаночых, надзвычай абаяльных, вобразах сваіх раманаў і аповесцей. Асабліва паэтычна ён апісаў юнацкае каханне ў аповесці «Непаўторная вясна».

У 1940 годзе І. Шамякіна прызвалі ў войска. Служыў ён у Мурманску, на зенітнай батарэі, дзе і сустрэў вайну. Вялікую Айчынную прайшоў ад першага дня да апошняга. Разам са сваім дывізіёнам перамяшчаўся з Поўначы ў Польшчу, затым у Германію. Перамогу сустрэў за 30 км ад Берліна. Там жа пачаў пісаць.

З 1948 года І. Шамякін з сям'ёю жыў у Мінску. Іван Пятровіч працаваў на ключавых пасадах у Саюзе пісьменнікаў Беларусі, кіраваў выдавецтвам «Беларуская Савецкая Энцыклапедыя імя П. Броўкі», стаў акадэмікам. Розных ганаровых прэмій і званняў меў шмат: Герой Сацыялістычнай Працы, лаўрэат Дзяржаўнай прэміі СССР, некалькіх Дзяржаўных прэмій Беларусі, Саюзнай дзяржавы Беларусі і Расіі, рознага роду імянных літаратурных прэмій, узнагароджаны трыццаццю (разам з ваеннымі) ордэнамі і медалямі. Быў дэпутатам Вярхоўнага Савета СССР і БССР, Старшынёй Вярхоўнага Савета БССР, Старшынёй Беларускага камітэта абароны міру і інш. У 1972 годзе Івану Пятровічу Шамякіну прысвоена ганаровае званне народнага пісьменніка БССР.