Номер 195, страница 99 - гдз по белорусскому языку 6 класс учебник Валочка, Зелянко

195. Прачытайце тэкст.

Калі слова ўжываецца ў пачатковай форме — у назоўным склоне адзіночнага ліку, — яно толькі называе прадмет, з’яву прыроды, расліну ці жывёлу. Але паміж людзьмі, прадметамі, з’явамі прыроды, раслінным і жывёльным светам існуюць разнастайныя і складаныя адносіны: прасторавыя, часавыя, умовы, мэты ці прычыны. Паглядзіце навокал, звярніце ўвагу на прадметы, якія знаходзяцца вакол вас: сцяна, парта, стол, падручнік, сшытак і інш. Называючы іх, мы толькі даём ім імёны, а ў якіх адносінах яны знаходзяцца адно з адным, нам не зразумела. І толькі з дапамогай розных склонавых форм, якія звязваюць словы, мы можам устанавіць іх узаемазалежнасць: У класе стаяць парты.За партамі сядзяць вучні. Граматыка ўстанавіла правілы сувязі слоў і арганізавала словы ў сказах. Гэта сувязь выражаецца пры дапамозе змянення слоў па склонах (Паводле В. Івановай).

Якое значэнне выражаецца ў слове, калі яно ўжываецца ў пачатковай форме? З дапамогай якіх відаў сувязі словы звязваюцца ў сказах?

Які раздзел мовазнаўства ўстанаўлівае правілы сувязі слоў у сказах?

Колькі склонаў у беларускай мове? Як вызначыць склон назоўніка?

Вызначце склон назоўнікаў у выдзеленых сказах.

Калі слова ўжываецца ў пачатковай форме, яно толькі называе прадмет, з’яву прыроды, расліну ці жывёлу.

Словы ў сказах звязваюцца з дапамогай змянення іх па склонах (з дапамогай розных склонавых форм).

Правілы сувязі слоў у сказах устанаўлівае граматыка.

У беларускай мове 6 склонаў.

Каб вызначыць склон назоўніка, трэба паставіць да яго пытанне ад таго слова, з якім ён звязаны па сэнсе.