Номер 3, страница 26 - гдз по белорусской литературе 7 класс учебник Лазарук, Логінава

3. Назавіце вядомых вам беларускіх пісьменнікаў, мастакоў, кампазітараў, скульптараў. Раскажыце пра аднаго з іх сваім аднакласнікам.

Старонка 26, пытанне 3

На Беларусі нарадзілася і жыве шмат таленавітых людзей. На працягу стагоддзяў яны радавалі нас сваімі творамі, шэдэўрамі, вучылі нас добраму і чыстаму. Вучылі нас любіць краіну, берагчы яе і вучыць гэтаму іншых.

На ўроках мастацтва ў школе прапаноўваецца для вывучэння творчасць такіх вядомых асоб, як Марк Шагал, Міхаіл Савіцкі, Вітольд Бялыніцкі-Біруля, Язэп Драздовіч.

Сярод скульптараў Беларусі мы ведаем Заіра Азгура, Дзмітрыя Германа, Анатолія Анікейчыка.

Сярод кампазітараў вядомы імёны Рыгора Шырмы, Васіля Раінчыка, Уладзіміра Алоўнікава.

Але мастакі слова нам бліжэй за ўсё. Мы вывучаем рускую і беларускую літаратуры, знаёмімся з творчасцю пісьменнікаў і паэтаў, захапляемся іх творамі, чытаем іх на памяць.

Але паэзія мне бліжэй да душы, да сэрца... Я люблю чытаць вершы, чытаць іх выразна, уголас. І таму сярод любімых у мяне паэты. Люблю вершы Янкі Купалы, Якуба Коласа, Максіма Багдановіча... Сярод усіх пісьменнікаў Беларусі, нам вядомых, Максім Багдановіч пражыў самае кароткае жыццё. Мяне і захапіў гэты паэт. Як можна столькі стварыць за 25 год жыцця?!

Максім Багдановіч нарадзіўся ў Мінску ў 1891 годзе ў сям'і вядомага беларускага этнографа, фалькларыста Адама Багдановіча і настаўніцы Марыі Багдановіч. Бацька паэта працаваў памочнікам бухгалтара ў банку, супрацоўнічаў у газеце "Гродзенскія губернскія ведамасці". Выдаў дзве кнігі "Пережитки древняго миросозерцания у белоруссов" и "Про панщину".

Мама займалася выхаваннем дзяцей – Вадзіма, Максіма і Льва, цудоўна музыцыравала на піяніна, надрукавала у "Гродзенскіх губернскіх ведамасцях" апавяданне "Накануне Рождества".

Хутка ў сям'і нарадзілася дачка Ніна, а праз месяц у мамы выявілі хуткацечныя сухоты. Урачы прыклалі ўсе намаганні, але маму выратаваць не ўдалося.

"Навошта мне доўга жыць, калі я была такой шчаслівай..." — апошнія словы Марыі Апанасаўны.

Мамы не стала ва ўзросце 27 гадоў.

Праз некаторы час Багдановічы пераязджаюць у Ніжні Ноўгарад, дзе Максім паступае ў Ніжагародскую мужчынскую гімназію. Ва ўзросце 10–11 гадоў Максім пачынае пісаць вершы. Дэбют хлопчыка адбыўся ў1907 годзе – выданне апавядання "Музыка" ў газеце “Наша Ніва”.

У 1911 годзе паэт наведаў Вільню, дзе пазнаёміўся з дзеячамі беларускага нацыянальнага Адраджэння – Антонам і Іванам Луцэвічамі, Вацлавам Ластоўскім.

У 1913 годзе выйшаў адзіны прыжыццёвы зборнік вершаў "Вянок".

Летам 1916 года Максім пераехаў у Мінск, дзе працаваў у Мінскім губернскім харчовым камітэце, а вольны час прысвячаў літаратурнай дзейнасці.

У лютым 1917 года, будучы хворым на сухоты, паехаў у Ялту. Дзе і памёр 25 мая таго ж года.

Максім Багдановіч — адзін з самых вядомых паэтаў Беларусі. Ён горача любіў сваю краіну, родную мову, беларускі народ. Акрамя вершаў, ён займаўся перакладчыцкай дзейнасцю, працаваў над Букваром. Яго як сапраўднага сына Беларусі хваляваў лёс Бацькаўшчыны, яе гісторыя, культура (вершы "Пагоня", "Слуцкія ткачыхі") Як горача ён любіў прыроду ("Маёвая песня", "Зімовы вечар").