Номер 10, страница 156 - гдз по белорусской литературе 7 класс учебник Лазарук, Логінава

10. Фантастычныя творы карысталіся і карыстаюцца вялікай папулярнасцю сярод чытачоў. Выступіце ў ролі супрацоўніка выдавецтва. Падрыхтуйце водгук на апавяданне Уладзіміра Шыціка «Лісцік серабрыстай таполі». Ваша задача — пазнаёміць з аўтарам, тэмай і ідэяй твора, яго героямі, выказаць свае адносіны да персанажаў апавядання і ацаніць падзеі. Канчатковая мэта — заінтрыгаваць чытачоў, зацікавіць іх творчасцю пісьменніка.

Старонка 154, пытанне 10

Водгук на апавяданне “Лісцік серабрыстай таполі”

Нядаўна на ўроках беларускай літаратуры мы пазнаёміліся з творчасцю Уладзіміра Шыціка. Нам было прадстаўлена апавяданне “Лісцік беларускай таполі".

Уладзімір Шыцік – беларускі пісьменнік, які нарадзіўся ў Шклове ў сям'і рабочага. Пасля заканчэння школы паступіў у Маскоўскі інстытут інжынераў чыгуначнага транспарту. Але вайна не дала доўга вучыцца. Юнака прызвалі на фронт. Пасля вайны ён паступіў у Куйбышаўскі індустрыяльны інстытут. Праз некалькі год Шыцік вярнуўся ў Беларусь, дзе працаваў тэхнікам-канструктарам на папяровай фабрыцы “Спартак”. Аде задавальнення работа не прыносіла. Малады чалавек пачаў пісаць. Яму гэта вельмі спадабалася. Пазней у Мінску ён атрымаў дыплом літаратурнага работніка журналісцкага аддзялення Беларускага дзяржаўнага універсітэта. Пачынаюць выходзіць яго першыя творы: “Важны заказ" (1952год), аповесць “Назаўсёды" (1958год).

Пісьменніка вабіла фантастыка. З'явіліся творы “Апошняя арбіта", "Зорны камень".

Апавяданне “Лісцік серабрыстай таполі" распавядае пра юнакоў незвычайнай школы, якія займаліся вынаходніцтвам, пошукамі, падарожжамі. Іх цікавіла нязведанае, новае, фантастычнае.

У цэнтры твора — галоўны герой Віця. Яго цікавіла ўсё, што незнаёмым было пакуль. І вось яны з сябрамі накіраваліся ў лес да казачнага возера. Вадаём вабіў Віктара сваёй загадкавасцю, цішынёй, цемрай. Развязка сюжэта — знаходка Віктарам незвычайнага металічнага прадмета, які нагадваў лісцік таполі, што расла на беразе вадаёма. Вучням не цярпелася даведацца, што ж гэта за прадмет і для чаго ён. Але ў самы важны момант у іх не атрымалася давесці справу да канца, ім не ўдалося раскрыць тайну прадмета.

У канцы апавядання сябра далі клятву: будзем шукаць, нават калі на гэта спатрэбіцца ўсё наша жыццё.

Твор мае фантастычны сюжэт. Мэта яго – паказаць дзівосы свету, запрасіць чытача да прыгод, вынаходніцтваў, адкрыццяў. У творы тэма космасу пераклікаецца з тэмай сяброўства.

Апавяданне вучыць нас ісці да мэты, не баючыся перашкод і цяжкасцей.