Номер 3, страница 87 - гдз по белорусской литературе 7 класс учебник Лазарук, Логінава

3. Прывядзіце аргументы для сцвярджэння: «У празаічных творах праз паказ звычайнага паўсядзённага жыцця раскрываецца шмат цікавага і захапляльнага». Пры адказе выкарыстайце прыклады з вядомых вам празаічных твораў.

Старонка 87, пытанне 3

Мы чыталі шмат празаічных твораў на ўроках беларускай літаратуры. У 5 класе мы знаёміліся з творам Міхася Лынькова "Васількі". Апавяданне напісана на тэму вайны. У творы аўтар апісваў звычайнае жыццё хлопчыкаў у летні час, іх забавы, мары, памкненні, расказваў пра іх планы... Але змяніўся тэмп аповеду, характар думак у час прыходу немцаў у вёску. Пісьменнік пры дапамозе дэталяў ішоў да задумы... У гэты час нават буслы курлыкалі самотна, журботна... Міколкава сястра з мамай загінулі ад рук немцаў. І ён вырашыў ім адпомсціць. Фінал – галоўны герой узарваў машыну з фрыцамі, аддаўшы сваё жыццё. Твор нельга было чытаць без слёз. Вельмі глыбока аўтар перадаў фінальную сцэну, старанна падбіраючы патрэбныя слова і выразы. Гэта і ёсць мэта літаратуры – паўздзейнічаць на чытача, тым самым дасягнуць выхаваўчага эфекту. Бо роля літаратуры – выхоўваць!

У 6 класе мы знаёміліся з апавяданнем “Алены Васілевіч "Сябры". У ім – аовед пра двух сяброў, пра іх жыццё, пра ўзаемаадносіны... Але развязка ў творы была вельмі павучальнай. Калі сябры вярталіся дадому са школы (а школа іх была далёка!) у зімовы час, Лёня адстаў ад Грышы, бо ў яго балела нага... А Грыша не захацеў яго чакаць... І Лёня заблукаў. На марозе прысеў адпачыць і ледзь на замёрз. У канцы твора аўтар нас накіроўвае на разуменне ідэі твора. Грыша, саромеючыся, наведаў сябра...

Неяк раніцай у нядзелю, калі Лёня ўжо ачуньваў, у сенцах пачулася нясмелае тупанне, потым дзверы адчыніліся, і ўвайшоў Грыша Міхневіч. Збянтэжаны, з пакункам у руках, ён доўга абмятаў ля парога валёнкі, ніяк не адважваючыся ні прывітацца, ні прайсці далей...

У гэтых некалькіх сказах паказана, што Грышка ўсё зразумеў, бо саромеўся. Я думаю, для яго тое здарэнне будзе сапраўдным урокам на ўсё жыццё.

Вось так, пры дапамозе патрэбных слоў, выразаў, інтанацыі пісьменнік вучыць, выхоўвае, падказвае, як быць...