Номер 16, страница 16 - гдз по белорусскому языку 6 класс учебник Валочка, Зелянко

16. Прачытайце тэкст. Пра якія падзеі расказваецца ў ім?

Напарстачак

Аднойчы ў парку Таня гуляла з сяброўкамі ў хованкі. Нешта шамацела побач. Дзяўчынка прыгледзелася. Да яе выпаўз руды, з рэдкай поўсцю звярок. Ён быў з напарстак*. «Трэба ўзяць яго з сабой», — падумала дзяўчынка.

— Тата, — паклікала дзяўчынка бацьку, — глядзі, каго я знайшла!

— Магчыма, гэта шашок, — разважаў бацька. — Але такіх маленькіх я ніколі не бачыў.

«Напарстачка» забралі дамоў. Ён аказаўся вельмі паслухмяным і разумным. Гэта і сапраўды быў шашок. Хутка спінка яго стала чорна-бурай, а жывоцік — колеру спелай саломы. Звярок вельмі любіў гуляць і радаваў усю сям'ю (Паводле У. Шулякоўскага).

Ці адпавядае агульная будова тэксту схеме апавядання? Што з'яўляецца пачаткам дзеяння, як дзеянне развівалася, чым закончылася?

Знайдзіце ў тэксце і зачытайце апісанне звярка. У якіх месцах тэксту яно знаходзіцца?

Як вы думаеце, дзеля чаго аўтар уводзіць у тэкст апісанне?

16. У тэксце расказваецца пра тое, як дзяўчынка Таня знайшла ў парку маленькага звярка, шашка, і яе сям'я прытуліла яго.

Так, агульная будова тэксту адпавядае схеме апавядання. Пачаткам дзеяння з'яўляецца тое, як Таня знайшла звярка. Развіццё дзеяння — дзяўчынка з бацькам забіраюць яго дамоў. Заканчэнне — Напарстачак жыве ў сям'і, радуе ўсіх сваім характарам.

Апісанне звярка ў тэксце: «Да яе выпаўз руды, з рэдкай поўсцю звярок. Ён быў з напарстак*.» і «Хутка спінка яго стала чорна-бурай, а жывоцік — колеру спелай саломы.». Гэтыя апісанні знаходзяцца ў першым і трэцім абзацах.

Аўтар уводзіць у тэкст апісанне, каб чытач мог лепш уявiць знешні выгляд звярка, зразумець, чаму яго так назвалі, і ўбачыць, як ён змяніўся з часам. Гэта робіць апавяданне больш выразным і вобразным.