Номер 176, страница 89 - гдз по белорусскому языку 6 класс учебник Валочка, Зелянко

176. Прачытайце тэкст. Вызначце стыль і тып маўлення.

Тату ў нядзелю прыйшла добрая думка — схадзіць у батанічны сад. Усе яе падтрымалі.

Каля ўвахода і на алеях было шмат людзей. Мітусліва бегала дзетвара. Дарослыя ўголас чыталі надпісы на таблічках і не стрымліваліся: «Ах, якія гладыёлусы! Якія астры! А вяргіні!»

Мы пайшлі па дубовай алеі, потым — па яблыневай. На дрэвах ціха шапацела лісце, чырванела садавіна.

Потым мы ішлі каля возера, бачылі, як спаважна і ганарыста плаваюць чорныя і белыя лебедзі, жыруюць каля астраўка дзікія качкі, мітусіцца дробнае птаства. Па бярозавай алеі дайшлі да плантацый руж і фонтанчыка. Вецер раздзімаў пырскі, і ў іх пералівалася ўсімі фарбамі вясёлка (Паводле П. Місько).

З выдзеленых у тэксце назоўнікаў выберыце і запішыце тыя, якія абазначаюць сукупнасць: 1) людзей; 2) жывых істот; 3) аднародных прадметаў.

Пагуляем у даследчыкаў-мовазнаўцаў. Паспрабуйце правесці наступны эксперымент: далучыце да выдзеленых назоўнікаў словы два, тры. Ці маюць сэнс такія граматычныя канструкцыі? Вызначце лік назоўнікаў. Зрабіце вывад пра тое, ці можна ад прапанаваных назоўнікаў утварыць форму множнага ліку.

176. Мастацкі стыль; апісанне з элементамі апавядання.

Назоўнікі, якія абазначаюць сукупнасць:

1) людзей: дзетвара;

2) жывых істот: птаства;

3) аднародных прадметаў: лісце, садавіна.

Пагуляем у даследчыкаў-мовазнаўцаў.

Граматычныя канструкцыі, утвораныя далучэннем слоў два, тры да выдзеленых назоўнікаў (два лісце, тры птаства), не маюць сэнсу.

Выдзеленыя назоўнікі — зборныя, яны ўжываюцца толькі ў форме адзіночнага ліку.

Вывад: ад прапанаваных назоўнікаў утварыць форму множнага ліку немагчыма.