Номер 4, страница 181 - гдз по белорусской литературе 7 класс учебник Лазарук, Логінава

4. Знайдзіце ў перыядычных выданнях творы, у якіх аўтары выказваюць уласны пункт погляду на тыя ці іншыя надзённыя праблемы, з павышанай эмацыянальнасцю звяртаюцца да сваіх чытачоў, каб пераканаць іх у праваце сваіх меркаванняў. Да якога віду літаратуры яны адносяцца?

Старонка 181, пытанне 4

Многія пісьменнікі і паэты Беларусі ўздымалі ў сваіх творах важнейшыя грамадскія пытанні. Разважалі ў сваіх творах і пра Беларусь, і пра стан прыроды, і пра вайну... Кожны па-свойму выражаў сваю пазіцыю, прыводзіў довады...

Адным з таленавітых беларускіх майстроў слова канца 19-пачатку 20 стагоддзя быў Францішак Багушэвіч. Ён вядомы беларусам як паэт. Пісаў на сацыяльна-грамадскія пытанні, асуджаў няроўнасць, бяспраўе, быў змагаром за свабоду сялян. У цэнтры яго творчасці быў мужык. (“Дурны мужык, як варона”, “У астрозе”) Але хвалявалі яго і пытанне мовы, і пачуццё ўласнай годнасці.

Вельмі горача Ф. Багушэвіч уздымаў пытанне мовы ў сваёй прадмове да зборніка "Дудка беларуская".

Братцы мілыя, дзеці Зямлі-маткі маей! Вам афяруючы працу сваю, мушу з вамі пагаварыць трохі аб нашай долі-нядолі, аб нашай бацькавай спрадвечнай мове, каторую мы самі, да і не адны мы, а ўсе людзі цёмныя «мужыцкай» завуць, а завецца яна «беларускай». Я сам калісь думаў, што мова наша - «мужыцкая» мова, і толькі таго! Але, паздароў Божа добрых людцоў, як навучылі мяне чытаць-пісаць, з той пары я шмат гдзе быў, шмат чаго відзеў і чытаў: і праканаўся, што мова нашая ёсць такая ж людская і панская, як і французская, альбо нямецкая, альбо і іншая якая.

У гэтых радках мы адчуваем усю любоў паэта да Радзімы, да нашай мовы. Ён так горача і ласкава звяртаецца да нас, спадзеючыся, што мы не дадзім нашай мове загінуць, знікнуць, а будзем яе берагчы і шанаваць, а галоўнае, –ёю карыстацца.