Номер 3, страница 31 - гдз по белорусской литературе 7 класс учебник Лазарук, Логінава

3. Растлумачце ролю эпітэтаў, параўнанняў, адухаўленняў у стварэнні вобраза ручая, выяўленні агульнага настрою твора. Пры неабходнасці звярніцеся да слоўніка літаратуразнаўчых тэрмінаў.

Старонка 31, пытанне 3

У вершы паэт выкарыстоўвае сродкі мастацкай выразнасці для апісання прыроды, у прыватнасці — ручайка. Пры дапамозе эпітэтаў, параўнанняў, адухаўленняў Я.Колас не толькі характарызуе сам вобраз, але і надае вершу вясёлы, узнёслы настрой. Эпітэты срэбразвонны ручэй, пышны верх, гучны смех, несціханы, густы спеў надаюць карціне прыроды цэласнасці, гарманічнасці: усё апанавана адзіным светлым настроем (прыгажосць, багацце і яркасць прыроды перадаецца прыметнікамі).

Параўнанне як матулька, вярба надае пяшчоты і цеплыні вобразу.

Адухаўленні шуміць і грыміць ручэй, абступаюць чараты, асака, падыходзіць мурог, зорка кіне зрок, хмурынка зазірне ў ручаёк, ён гучным смехам дрыжыць, то заскочыць у гай, то курган абаўе, сярдзіта бубніць, лагодна пяе ствараюць нам падрабязную карціну паводзін ручая. Аўтар ужывае адухаўленні, каб паказаць характар ручая, яго бадзёрасць, жывучасць, актыўнасць. Яму надаюцца рысы жывой істоты, нават чалавека. На працягу усяго верша адчуваецца любоў паэт да прыроды. Пачуццё замілаванасці ручаём, яго бесперапыннасцю сімвалізуе вечны рух жыцця. Ручай часам мяняе свой настрой: як і чалавек, бывае спакойным, вясёлым, ціхім, нават сярдзітым...