Номер 12, страница 144 - гдз по белорусской литературе 9 класс учебник Праскаловіч, Рагойша

12. Якія нормы працоўнай народнай маралі сцвярджаюцца ў творы? Ці страцілі яны сваё значэнне для сучаснасці? Параўнайце вясковую працу ў канцы XIX стагоддзя і ў сённяшні час. Апішыце асабістыя ўражанні ад вёскі і свае ўяўленні пра будучае вясковае жыццё ў Беларусі.

12.У «Новай зямлі» паказваецца жыццё беларускага сялянства канца XIX стагоддзя. На гэтай падставе крытыкі 1920-х гадоў абвясцілі паэму несучаснай. Тады ў сялянстве не бачылі галоўнай апоры грамадства, а наадварот, селянін быў абвешчаны носьбітам дробнаўласніцкай псіхалогіі. А вось Якуб Колас — насуперак ідэалагічным тэндэнцыям эпохі — паказвае, што сялянскае жыццё — той лад існавання, які грунтуецца на гармоніі чалавека і прыроды. І, значыць, ён, гэты лад, самы правільны і прыдатны для людзей. Псіхалогія, побыт сялянства — не забабоннасць і кансерватызм, а мудрасць і паэтычнасць.

Сям'я, апісаная ў творы, — Міхал, яго брат Антось, жонка Міхала Ганна, дзеці — самая звычайная, сялянская. Усе яны працалюбівыя. І хоць знешнія абставіны іх жыцця часта неспрыяльныя (пярэбары з месца на месца па загадзе начальства, неўрадлівая зямля, пажар), але праца заўсёды давала плён. І гэта ўнушала аптымізм, упэўненасць у сабе.