Номер 7, страница 218 - гдз по белорусской литературе 9 класс учебник Праскаловіч, Рагойша

7. Пакажыце, у чым выяўляецца лірызм твора.

7.Такая аўтарская манера І. Шамякіна: ён лірычны, калі непасрэдна ўмешваецца ў паведамленне, калі перадае пачуцці і думкі сваіх герояў, і ён жа — строгі рэаліст з нярэдка іранічным аповедам.

Лірызм твора вынікае і з яго тэмы, яго прысвячэння каханню. Аўтарская манера тут максімальна эмацыянальна насычаная. Прычым пачуцці герояў робяцца ўсё больш тонкімі. Так, перажываючы сваё шчасце, Пятро не можа заснуць. Ён любуецца Сашай, ён ловіць начныя гукі.

Але не толькі радасць паглынае героя: «...яшчэ адно дзіўнае адчуванне не давала заснуць — нейкая неасэнсаваная трывога, нібы перад навальніцай ці перад невядомай далёкай дарогай. Яна, гэтая трывога, была недзе ў самай глыбіні душы, пад шчасцем і захапленнем, але чым настойлівей ён змагаўся з бяссонніцай, тым часцей яна адгукалася ў сэрцы, нібы прабіваючыся на паверхню. Што гэта? Чаму гэта?..»

Лірызму аповесці надае і пейзаж. Прычым прырода апісваецца на тых старонках, дзе Пятро падарожнічае да Сашы.

7. Лірызм твора выяўляецца ў глыбокай увазе аўтара да ўнутранага свету чалавека, яго пачуццяў, перажыванняў і настрояў.

Гэта праяўляецца праз:

-Эмацыянальна-ацэначны характар апавядання: аўтар не проста расказвае пра падзеі, а перадае свае асабістыя адносіны да іх, свае ўражанні, захапленне, смутак ці любоў (напрыклад, да радзімы, прыроды, канкрэтнага чалавека).

-Паэтычнасць мовы: выкарыстанне багатых мастацкіх сродкаў (эпітэтаў, метафар, параўнанняў), што робіць тэкст вобразным, узнёслым і меладычным.

-Лірычныя адступленні: прамыя звароты аўтара да чытача, у якіх ён дзеліцца сваімі думкамі, разважаннямі і філасофскімі поглядамі.

-Псіхалагізм: апісанне прыроды і навакольнага свету часта адпавядае душэўнаму стану героя, дапамагаючы глыбей раскрыць яго перажыванні.