Номер 4, страница 222 - гдз по белорусской литературе 11 класс учебник Мельнікава, Ішчанка

4. Ахарактарызуйце жанрава-тэматычнае багацце паэзіі аднаго з сучасных паэтаў (на выбар).

4. Творчасць Юрася Свіркі (1933—2010), аўтара зборнікаў «Кружка з пясчаным дном» (1990), «Выбранае: лірыка (1956–1990)» (1993), «Узаемнасць» (1993), адрозніваюць тонкая пачуццё-васць, задушэўнасць, шчыры лірызм, паэтычнасць, метафарычная дасканаласць.

Паэт, як і яго папярэднікі, належаў да так званага філалагічнага пакалення. Яго творы напоўнены лірычным роздумам пра праблемы сучаснасці: стан прыроды, экалогію душы чалавека, барацьбу са злом і несправядлівасцю ў розных праяўленнях, стан роднай матчынай мовы.

Тэма Радзімы, роднага краю з'яўляецца цэнтральнай у лірыцы паэта. Яна ўвасабляецца з дапамогай вобраза лесу, які родніць чалавека з Бацькаўшчынай («а лес, нібы годы за плячыма»). Чулы да ўсяго жывога, Ю. Свірка адухаўляў прыроду і, як сапраўдны сын вёскі, негатыўна ставіўся да разбурэння старадаўняга ўкладу жыцця, асушэння балот і меліярацыі. Тэма вёскі, супрацьстаяння яе і горада праходзіць лейтматывам праз многія вершы творцы.

Асабістая біяграфія паэта выявілася ў распрацоўцы тэмы народнага змагання супраць нямецкіх захопнікаў. У вершах паўстаюць не толькі вобразы партызан, народных змагароў, але і невядомых салдат, дзяцей вайны («Журботны працяг песні», «Балада пра помнік салдату», «Балада мужнасці»).

Вобразы класікаў нацыянальнай літаратуры М. Багдановіча, Янкі Купалы, У. Караткевіча і іншых увасобіліся ў вершах-прысвячэннях («Ліпеньская раніца ў Ляўках», «Уладзімір Караткевіч» і інш.).

4. Жанрава-тэматычнае багацце паэзіі Рыгора Барадуліна.

Творчасць народнага паэта Беларусі Рыгора Барадуліна ахоплівае шырокі спектр тэм і жанраў, адлюстроўваючы глыбокі светапогляд і нацыянальную самасвядомасць.

Тэматычнае багацце:

Тэма Радзімы: любоў да роднай зямлі, Вушаччыны, захапленне яе гісторыяй, культурай і мовай з’яўляецца лейтматывам творчасці паэта.

Філасофская лірыка: разважанні пра сэнс жыцця і смерці, вечнасць і час, дабро і зло, сувязь чалавека са светам і сусветам.

Пейзажная лірыка: апяванне прыгажосці беларускай прыроды, якая ўспрымаецца як жывая, адухоўленая істота, крыніца гармоніі.

Інтымная лірыка: асэнсаванне кахання як найвялікшага чалавечага пачуцця, павага да жанчыны-маці, жонкі, каханай.

Духоўная тэматыка: зварот да біблейскіх сюжэтаў і вобразаў, спроба стварэння нацыянальнага духоўнага кодэкса (напрыклад, у кнізе «Ксты»).

Гумар і сатыра: паэт з’яўляецца прызнаным майстрам дасціпных эпіграм, пародый і сатырычных замалёвак.

Жанравая разнастайнасць:

Творчая спадчына Р. Барадуліна прадстаўлена рознымі жанрамі: лірычны верш, паэма, балада, элегія, санет, эпіграма, пародыя, малітва, вершы для дзяцей. Акрамя таго, ён вядомы як выдатны перакладчык паэзіі з розных моў свету.