номер 1, страница 124 - гдз по белорусской литературе 10 класс учебник Бязлепкіна-Чарнякевіч, Акушэвіч

1. Успомніце характарыстыкі летапіснага жанру. Карыстаючыся даведнікамі, энцыклапедыямі, інтэрнэт-рэсурсамі (тэкстамі і відэаматэрыяламі), складзіце летапіс жыцця Максіма Багдановіча. Змясціце ў ім тлумачэнні назваў, прадметаў, рэалій пачатку ХХ стагоддзя, якія могуць быць невядомыя вучням у ХХІ стагоддзі.

1. Летапіс жыцця Максіма Багдановіча

1891 г. 9 снежня (27 лістапада старога стылю) Нарадзіўся ў Мінску, Мінскай губерні ў сям'і педагога, дэмакрата. Бацька, Адам Ягоравіч Багдановіч, быў членам мінскай арганізацыі партыі "Народная воля". Маці, Марыя Апанасаўна Мякота, працавала настаўніцай, любіла літаратуру і нават сама спрабавала пісаць апавяданні.

1892 г. Сям'я перабралася ў Гродна, дзе Адам Багдановіч атрымаў працу ў сялянскім пазямельным банку.

1902 – 1905 гг. Максім Багдановіч паступіў ў Ніжагародскую мужчынскую гімназію. Падчас рэвалюцыі прымаў удзел у вучнёўскіх і студэнцкіх дэманстрацыях, за што атрымлівае атэстацыю “недобранадзейнага вучня".

1907 г. Пачатак літаратурнай дзейнасці Максіма Багдановіча. Першы значны мастацкі твор – празаічнае апавяданне "Музыка".

1908 г. Чэрвень. Багдановічы пераязджаюць па службе бацькі – у Яраслаўль. Максім Багдановіч піша першыя лірычныя вершы “Над магілай”, “Прыйдзе вясна", "На чужыне”.

1909 г. Максім захворвае на сухоты. Выязжае на лячэнне ў Крым.

1909 – 1913 гг. Паэт перакладае на беларускую мову вершы Авідзія, Гарацыя, французскага паэта Поля Верлена.

1914 г. У друкарні Марціна Кухты, пры грашовай падтрымцы Магдалены Радзівіл, тыражом 2000 асобнікаў выдадзены адзіны прыжыццёвы зборнік твораў Максіма Багдановіча «Вянок» (на тытуле пазначаны 1913 г.) з прысвячэннем: «Вянок на магілу С. А. Полуяну (памёр 8 красавіка 1910 г.)», якое зрабіў Вацлаў Ластоўскі, не ўзгадняючыся з аўтарам. Пасля Багдановіч ухваліў яго ініцыятыву.

Зборнік змяшчаў 92 вершы і 2 паэмкі, размешчаныя на 120 старонках, якія былі аб'яднаныя па нізках: «Малюнкі і сьпевы», «Думы» і «Мадонны». У лістах да выдаўцы былі меркаванні дапоўніць «Мадоннаў» нізкай «Каханьне і сьмерць» (13 вершаў) і да 5 перакладаў з нізкі «Старая спадчына» дадаць 22 пераклады з Поля Верлена і ўтварыць раздзел «З чужой глебы». Аднак кніга выйшла без дапаўненняў і без пасляслоўя «Ізноў пабачыў я сялібы» да паэмы «Вэроніка». У сваім укарочаным выглядзе «Вянок» Багдановіча застаецца класічнай кнігай паэзіі, але ён, натуральна, у такім варыянце ніяк не выражае агульнай першаснай задумы паэта, якая сыходзіла па ўзору дантавай «Боскай камедыі» з траічнасці як асноўнага кампазіцыйнага пранцыпу пабудовы твора мастацтва, з імкнення пазнаць свет у яго дыялектычнай сутнасці, гарманічнасці, развіцці.

1914 – канец 1916. У гэты перыяд паэт піша цыкл вершаў «На ціхім Дунаі. Вершы беларускага складу», паэму «Максім і Магдалена», іншыя творы. Пісаў Максім Багдановіч вершы і на рускай мове, як «Зачем грустна она была», «Я вспоминаю Вас такой прекрасной, стройной», «Зелёная любовь», «Осенью». Да гэтага часу адносяцца і пераклады на беларускую твораў А. Пушкіна і Э. Верхарна.

1917 г. Сябры паэта сабралі грошы, каб ён мог ехаць у Крым лячыцца ад сухотаў. Лячэнне не дапамагло, і ў тым жа годзе ў Ялце Максім Багдановіч памер ва ўзросце 25 гадоў.