Номер 3, страница 16 - гдз по белорусской литературе 11 класс учебник Мельнікава, Ішчанка

3. У чым адметнасць так званай жаночай паэзіі? Пералічыце найбольш яркіх яе прадстаўніц.

3.У гэты перыяд ідэйную і мастацка-эстэтычную адметнасць набыла і беларуская жаночая паэзія, таленавітымі прадстаўніцамі якой сталі Н. Мацяш, Я. Янішчыц, Р. Баравікова і інш. Пошукі гармоніі з жыццём, суладнасці са светам і людзьмі, пераадоленне трагічнага лёсу — гэтыя пачуцці знаходзіліся ў цэнтры перажыванняў лірычнай гераіні Ніны Мацяш (кнігі паэзіі «Агонь», «Удзячнасць», «Поўны келіх», «Паміж усмешкай і слязой»). Эмацыянальна-сэнсавым ядром творчасці гэтай паэтэсы становіцца пачуццё кахання. Вядома, што кахання не бывае без расчараванняў і страт, але ў лірычнай гераіні Н. Мацяш хапае «жаноцкай мужнасці», каб прыняць сваю долю, працягваць з годнасцю, без залішняга драматызму і скаргаў на лёс спасцігаць свет інтымных пачуццяў: «На лёс ці варта наракаць? // Ныццём нягоды не адужаць. // Жыццё заўжды — іспыт на мужнасць. // Яе ж не возь- меш напракат...»

Н. Мацяш стварала мастацкі свет, у якім галоўную ролю адыгрывалі высакароднае імкненне да ідэалу, прыгажосці, пошукі маральна-філасофскіх асноў быцця, спагада да чалавека: Калі ў сваёй дарозе, часам здрадлівай, Згублю з-пад ног збалелых цвёрды грунт, Я так хацела б, каб і мне здагадліва Агеньчык нечае душы спагадлівай Выратавальна ў вочы зазірнуў.

Рамантычная пачуццёвасць, мяккасць, шчырасць турбот за чалавека і чалавечнасць гучалі і ў паэзіі Раісы Баравіковай (кнігі паэзіі «Рамонкавы бераг», «Слухаю сэрца», «Каханне»). Тэма ўзаемаадносін мужчыны і жанчыны, сустрэч і развітанняў, паглыбленне ва ўнутраны стан лірычнай гераіні, схільнасць да філасофскіх падагульненняў вылучаюць лірыку гэтай паэтэсы:

Гляджу на ўсё вачамі маладымі,
і гнеўнымі, і добрымі ўдвая...
Каханне і прынізіць, і... узніме,
пакуль у ім жыве душа мая.

3. Адметнасць так званай «жаночай паэзіі» палягае ў асаблівай увазе да ўнутранага свету жанчыны, яе пачуццяў і перажыванняў. Для яе характэрны глыбокі псіхалагізм, даверлівая, спавядальная інтанацыя і павышаная эмацыянальнасць. Цэнтральнымі тэмамі часта з'яўляюцца каханне, мацярынства, сямейныя адносіны, пошук жаночай самарэалізацыі і асэнсаванне свайго месца ў свеце.

Найбольш яркія прадстаўніцы беларускай паэзіі: Цётка (Алаіза Пашкевіч), Ларыса Геніюш, Еўдакія Лось, Яўгенія Янішчыц, Данута Бічэль-Загнетава, Раіса Баравікова.