Номер 7, страница 45 - гдз по белорусской литературе 11 класс учебник Мельнікава, Ішчанка

7. Прагледзьце тэлеспектакль па п'есе «Зацюканы апостал» (рэжысёр-пастаноўшчык Барыс Луцэнка) і падрыхтуйце водгук на яго.

7.А.Макаёнак узнімае маральныя праблемы, выкрывае мараль, заснаваную на ілжы, пакланенні ўяўным каштоўнасцям. Аўтар імкнецца асэнсаваць вынікі маральнага асяроддзя. Аўтар паказвае грамадства, у аснову якога пакладзены цынічны тэзіс "Грошы — сіла!"

На сцэне можна назіраць за знешнімі канфліктамі, у якія ўступаюць паміж сабой персанажы трагікамедыі. Тата і Мама канфліктуюць па прычыне розных поглядаў на выхаванне дзяцей. Сын канфліктуе з бацькамі, таму што бачыць у іх паводзінах хлусню і падман. Малыш (Сын) з'яўляецца цэнтральнай фігурай твора. Нават назва "Зацюканы апостал" звязана з ім. У большай ступені Малыш — умоўны, складаны і супярэчлівы вобраз.

Малыш хоча перайначыць свет, у адпаведнасці з амаральнымі прынцыпамі якога жывуць яго "продкі". Таму ён імкнецца да ўлады. У выніку малады палітык прыходзіць да высновы, што трэба навучыцца майстэрству хлусіць, ашукваць, прыкідвацца праўдзівым. Малыш імкнецца праверыць свае веды ў палітыцы на практыцы. Лабараторыяй яго палітычных эксперыментаў становіцца сям'я. У фінале п'есы драматург вяртае свайго героя ў свет рэальнага жыцця. Супраць праўды Малыша ўсталі дарослыя. Для самога вундэркінда канфлікт з роднымі абярнуўся трагедыяй. А гэта значыць, што вобраз Малыша хутчэй за ўсё — ахвяра грамадскай маралі.

Камедыя па сваёй сатырычнай накіраванасці вытрымана ў ідэалагічнай танальнасці часу. П'еса "Зацюканы апостал" прысвечана замежнаму жыццю, але паказвае заганы чалавечага характару любой краіны. У творы аўтар узнімае надзённыя праблемы агульначалавечага характару. У ім арганічна спалучаюцца палітычныя, філасофскія і маральныя праблемы сучаснасці. Дзеці, не маючы агульных поглядаў з бацькамі, пратэстуюць супраць буржуазна-мяшчанскіх ідэалаў і звычак, бяздушнасці і жорсткасці. Пратэст гэты стыхійны і таму мае трагічны канец для дзяцей. Пісьменніка хвалявала страта "цывілізаванымі" дзяржавамі маральных ідэалаў, створаных чалавецтвам на працягу стагоддзяў, і пакланенне каштоўнасцям уяўным: грашам, фізічнай сіле, уладзе. Як сапраўдны гуманіст эпохі, Андрэй Макаёнак верыць у здольнасць чалавечага розуму і сілу чалавечага духу адстаяць сапраўдныя каштоўнасці, тое лепшае, што назапашана на Зямлі цывілізаваным грамадствам.