Номер 4, страница 198 - гдз по белорусской литературе 11 класс учебник Мельнікава, Ішчанка

4. Ахарактарызуйце асноўныя напрамкі дзейнасці Саюза пісьменнікаў Беларусі.

4.У 2005 годзе ўтварылася грамадскае аб'яднанне «Саюз пісьменнікаў Беларусі» (СПБ), якое мае аддзяленні ва ўсіх абласных цэнтрах краіны і ў горадзе Мінску. СПБ актыўна працуе з рэгія- нальнымі пісьменніцкімі суполкамі. Прадстаўнікі гэтага творчага аб'яднання часта выязджаюць на прадпрыемствы, ва ўстановы адукацыі з прэзентацыяй новых кніг, выданняў. Рэгулярна праводзяцца рэспубліканскія і абласныя творчыя конкурсы, каб выявіць здольных да літаратурнай дзейнасці маладых людзей.

Сябры СПБ шырока прапагандуюць каштоўнасць кнігі і важнасць чытання, праводзяць шматлікія сустрэчы з чытачамі, прэзентуюць новыя кнігі, сустракаюцца з творчай моладдзю. Літаратурна-асвет- ніцкая дзейнасць, узятая за аснову арганізацыйнай працы пісьменнікаў з чытачамі, садзейнічае фарміраванню нацыянальнай свядомасці, умацаванню сувязі пакаленняў, сцвярджэнню высокіх эстэтычных ідэалаў у беларускім грамадстве.

Членамі СПБ з'яўляюцца больш за 700 літаратараў, у тым ліку і замежныя. Іх творчасць ахоплівае самыя розныя тэмы: гістарычнае мінулае, любоў да роднай зямлі, беражлівае стаўленне да прыродных багаццяў, узаемаадносіны паміж людзьмі. Па-ранейшаму актуальнай застаецца тэма Вялікай Айчыннай вайны — памяць пра яе жыве ў пранікнёных радках многіх аўтараў. Кожны год выходзіць каля 300 новых кніг членаў СПБ. У серыі «Бібліятэка Саюза пісьменнікаў» выдадзены творы больш чым 200 аўтараў. Сярод іх такія вядомыя літаратары, як Мікола Мятліцкі, Алесь Марціновіч, Мікалай Чаргінец, Георгій Марчук, Міхась Пазнякоў, Валянціна Паліканіна, Алесь Бадак, Уладзімір Саламаха, Уладзімір Мазго, Мікола Чарняўскі, Анатоль Зэкаў і інш. СПБ прымае актыўны ўдзел ва ўсіх дзяржаўных святах.

Традыцыйным стала правядзенне ў краіне ў пачатку верасня Дня беларускага пісьменства. Свята праводзілася ў розных гарадах нашай краіны з багатай гісторыяй і культурнымі адметнасцямі: Заслаўі, Полацку, Рагачове, Камянцы, Ганцавічах, Быхаве, Іванаве, іншых беларускіх райцэнтрах. У сталіцу свята з'язджаюцца ганаровыя госці — пісьменнікі з ўсёй краіны. На пляцоўцы пад назвай «Слова пісьменніка» яны прадстаўляюць свае кніжныя навінкі, праводзяць аўтографсесіі. У час Дня беларускага пісьменства адбываецца ўшанаванне пераможцаў рэспубліканскага конкурсу «Нацыянальная літаратурная прэмія». Вылучэнне штогод праходзіць па намінацыях: «Лепшы твор прозы», «Лепшы твор для дзяцей і юнацтва», «Лепшы твор (зборнік твораў) паэзіі», «Лепшы твор публіцыстыкі», «Лепшы твор літаратурнай крытыкі і літаратуразнаўства», «Лепшы твор драматургіі», «Лепшы дэбют» (першая публікацыя або выданне аўтара ў жанрах паэзіі, прозы, публіцыстыкі, а таксама першая пастаноўка п'есы).

4. Асноўныя напрамкі дзейнасці Саюза пісьменнікаў Беларусі (СПБ) ўключаюць:

- Творчая дзейнасць: садзейнічанне развіццю нацыянальнай літаратуры, стварэнню высокамастацкіх твораў, якія ўзбагачаюць духоўнае жыццё народа; арганізацыя творчых сустрэч, літаратурных вечарын, конкурсаў і семінараў.

- Выдавецкая дзейнасць: дапамога членам саюза ў выданні іх твораў; удзел у працы рэдакцый літаратурна-мастацкіх перыядычных выданняў, такіх як часопісы «Полымя», «Маладосць», «Нёман», штотыднёвік «Літаратура і мастацтва».

- Асветніцкая праца: папулярызацыя лепшых твораў беларускай літаратуры сярод шырокіх слаёў насельніцтва, у тым ліку праз выступленні ў школах, бібліятэках, працоўных калектывах; удзел у кніжных выставах і кірмашах.

- Праца з маладымі аўтарамі: выяўленне і падтрымка таленавітай моладзі, правядзенне семінараў, майстар-класаў і кансультацый для пачынаючых літаратараў.

- Міжнароднае супрацоўніцтва: развіццё і ўмацаванне сувязей з пісьменніцкімі арганізацыямі іншых краін, садзейнічанне ўзаемным перакладам і публікацыям, удзел у міжнародных літаратурных форумах і фестывалях.

- Сацыяльная абарона: абарона аўтарскіх, прафесійных і сацыяльных правоў і законных інтарэсаў пісьменнікаў, клопат пра ветэранаў літаратуры.