Номер 2, страница 48 - гдз по белорусской литературе 7 класс учебник Лазарук, Логінава

2. Вы ведаеце, што назва твора мае вялікае значэнне. Гэта паўнавартасная частка твора, якая перадае аўтарскую пазіцыю. Растлумачце сэнс назвы апавядання «Незагойная рана». Якую іншую назву можна яму даць?

Старонка 48, пытанне 2

Так, сапраўды. Назва твора мае вялікае значэнне. У ёй аўтар выражае сваю пазіцыю. У назве хаваецца асноўны сэнс, глыбіня... Думаю, сэнс назвы “Незагойная рана" ў тым, што на працягу 16 доўгіх гадоў маці не можа прывыкнуць, што сына няма, што ён не вернецца... І гэтая вера, моцная і непераможная, не дае суцішыцца болю, не дае супакоіцца сэрцу, не дае забыцца памяці... І таму пісьменнік выбірае такія словы, такі выраз, такое словазлучэнне, што, утвараючы пару, узрушвае нас яшчэ больш. Слова рана – цяжкае, балючае, а прыметнік незагойная павялічвае боль, надае больш вобразнасці выразу.

Варыянты назваў твора:

• "Старая Тэкля"
• "Чакае маці сына”
• “Боль вайны”
• “Доўгія гады чакання”
• “Неўміручы боль"
• “Пустыя надзеі”
• “След вайны”
• “Сэрца маці”
• “Мацярынскі боль"
• "Чаканне сына"
• "Матчына сэрца”