, страница 59, часть 1 - гдз по Літаратурнаму чытанню 2 класс учебник Жуковіч

1. Пра каго расказвае Максім Танк у сваім творы?

2. Разгледзьце ілюстрацыі да верша. Вызначце, дзе паказаны жук, а дзе — слімак. Якія малюнкі хацелася б вам яшчэ намаляваць? Апішыце іх словамі.

3. Хто з персанажаў вам спадабаўся?

4. Чаму жук не стрымаў свайго абяцання дапамагчы слімаку насіць хатку? Як вы ацэньваеце ўчынак жука? Што вы параілі б яму?

5. З якім настроем патрэбна чытаць словы жука, калі ён просіцца ў хатку слімака? Чаму?

6. На якую тэму напісаны верш?

7. Чаму вучыць вас гэты твор?

8. Чаму верш «Жук і слімак» нагадвае казку?

1. Паразважайце, якім тонам і ў якім тэмпе варта чытаць твор Максіма Танка «Жук і слімак»? Чаму?

2. Размяркуйце ролі і прачытайце тэкст па ролях.

Ч. 1, стар. 59 Пытанні пасля верша

1. Пра каго расказвае Максім Танк у сваім творы?

У сваім творы Максім Танк расказвае пра жука і слімака.

2. Разгледзьце ілюстрацыю да верша. Вызначце, дзе паказаны жук,а дзе - слімак. Якія малюнкі хацелася б вам яшчэ намаляваць? Апішыце іх словамі.

Слімак на малюнку намаляваны зверху: выцірае пот; а жук намаляваны знізу з лісцікам у лапцы.

Хацелася б намаляваць малюнак, дзе жук і слімак сядзяць у хатцы. А на двары ідзе дождж.

3. Хто з персанажаў вам спадабаўся?

З персанажаў мне спадабаўся слімак. Ён добры і пусціў жука ў сваю хатку, схаваў яго ад дажджу.

4. Чаму жук не стрымаў свайго абяцання дапамагаць слімаку насіць хатку? Як вы ацэньваеце ўчынак жука? Што вы параілі б яму?

Жук не стрымаў свайго абяцання насіць хатку, таму што ён сагрэўся і забыў, якія ў яго былі няўзгоды.

Учынак жука вельмі дрэнны.

Жуку я параіў бы трымаць свае слова і дапамагаць сябрам.

5. З якім настроем патрэбна чытаць словы жука, калі ён просіцца ў хатку слімака? Чаму?

Словы жука, калі ён просіцца ў хатку слімака, патрэбна чытаць сумна. Ён змок, яму было холадна. Жуку ў той момант было вельмі дрэнна і сумна.

6. На якую тэму напісаны твор?

Гэты верш напісаны на тэму сяброўскіх адносін і ўзаемавыручкі.

7. Чаму вучыць вас гэты твор?

Гэты твор вучыць нас трымаць сваё слова, дапамагаць адзін аднаму, сябраваць.

8. Чаму верш "Жук і слімак" нагадвае казку?

Верш "Жук і слімак" нагадвае казку. У гэтым вершы жук і слімак размаўляюць. А такое можа быць толькі ў казцы.

Работа ў пары, групе

1. Паразважайце, якім тонам і ў якім тэмпе варта чытаць твор Максіма Танка "Жук і слімак"? Чаму?

Твор Максіма Танка трэба чытаць спакойным тонам, у павольным тэмпе, каб перадаць адносіны аўтара да герояў.

2. Размяркуйце ролі і прачытайце тэкст па ролях.

Словы аўтара – чорным колерам; словы жука – сінім; словы слімака – зялёным.

Жук і слімак

Пагожым летнім ранкам
На лузе за сялом
Сустрэўся жук аднойчы
З рагатым слімаком.

— Здарова! — жук вітае. —
Куды, браток, ідзеш
І з ракавіны хатку
Куды з сабой нясеш?

Абцёр слімак пот з твару,
Гаворыць так жуку:
— Нямала перажыць мне
Прыйшлося на вяку.
То сцюжа, то марозы,
То навальніца, дождж,
То часам у дарозе
Захопіць змрок і ноч.
Шукай тады начлегу
Пад нейкім пад кустом...

Вядуць размову гэтак
І раптам чуюць — гром.
Ударыў дождж краплісты.
І жук пабег шукаць
У засені цяністай
Шырокага лістка.

Але на цэлым лузе
Няма страхі нідзе,
І мокры, ледзь жывы ён
Да слімака ідзе.
— Пусці, браток, пагрэцца,
Змок дужа на лугу,
Насіць за гэта хатку
Табе дапамагу.

У ракавіне шчыльнай
Вандроўнікі сядзяць.
Іх нават дождж краплісты
Не зможа ў ёй дастаць.
Але мінулі хмары,
І сонца ўстала зноў,
Жук хату слімакову
Пакінуў і пайшоў.
Забыўся пра нягоды
І не наўме жуку,
Што абяцаў паднесці
Ён хату слімаку.